काठमाण्डौं । आज सेयर बजार १८ अंकले बढेर १८०० अंक नजिक पुगेको छ भने दिनभरीमा १२७ कम्पनीको एक अर्ब १२ करोड ८७ लाख रुपैयाँ बराबरको सेयर किनबेच भएको छ ।
आज सबैभन्दा बढी ६० प्रतिशत वोनस सेयरको प्रस्ताव ल्याएको शिखर इन्स्योरेन्सको सेयर बिक्री भएकोछ । यो कम्पनीको २० करोड ६१ लाख रुपैयाँको सेयर किनबेच भएको छ । शिखरपछि एनबी बैंकको १७ करोड १७ लाखको किनबेच भएको छ । एभरेष्ट बैंकको ९ करोड ६२ लाख रुपैयाँको किनबेच भएको छ ।
बढि कमाउनेमा भने बैंक अफ काठमाण्डू लुम्बिनी, कुमारी बैंक, प्रभु बैंक र ज्योती विकास बैंकको सेयर मूल्य १० प्रतिशत हाराहारी बढेको छ। सानिमा माइको सेयर मूल्य पनि नौं प्रतिशतले बढेको छ । तर आज, बजार १८ अंकले बढेपनि फाइनान्स र अन्य समूह घटेको छ । फाइनान्स दुई र अन्य साढे पाँच अंकले घटेको छ ।
१८ असोज २०७३, १।००
वि.सं.२०७३ असोज १८ मंगलवार १६:१६ मा प्रकाशित