काठमाण्डौं । नेपाल स्टक एक्सचेन्ज नेप्से परिसूचक दोहोरो अंकले बढेर एक अर्ब माथिको कारोबार भएको छ । दिनभरिमा १३.२८ अंकले बढेर बजार १८१९.८८ अंकमा पुगेको छ ।विहीबार कारोबार भएका सबै समूह बढेका छन् । सबैभन्दा धेरै होटल समूह १०४.६३ अंकले बढेको छ भने बीमा ६४.०७, जलविद्युत् २५.५४ र विकास बैंक २३.०२ अंकले बढेका छन् । बैंकिङ, फाइनान्स र अन्य क्रमशः ८.४६, ५.०७ र ८.६८ अंकले बढेका छन् ।दिनभरिमा एक सय ३० वटा कम्पनीको १५ लाख ५६ हजार २७ कित्ता सेयर पाँच हजार १३ पटक खरिदविक्रि हुँदा कुल एक अर्ब दुई करोड ७५ लाख २८ हजार छ सय ९२ रुपैयाँ बराबरको कारोबार भएको हो ।
प्रकाशितः २०७३ असोज २०
वि.सं.२०७३ असोज २० बिहीवार १५:४८ मा प्रकाशित
