काठमाडौँ । एलर्जी तथा दमको रोगमा प्रयोग गरिने औषधि कलेजोको रोग नियन्त्रणमा निकै लाभदायी हुने अध्ययनले देखाएको छ ।
शोधकर्ताहरुका अनुसार एलर्जी तथा दमको रोगमा सेवन गरिने औषधिले केवल कलेजोको रोग रोकथाम गर्ने मात्र होइन यसले कलेजो प्रत्यारोपणको आवश्यकतालाई पनि कम गरिदिन्छ ।
मुसामा गरिएको अनुसन्धानले यस्तो देखाएको हो । अनुसन्धानका क्रममा एलर्जी तथा दममा प्रयोग गरिने औषधिमा हुने क्रोमोलिन सोडियमले कलेजोको सिरोसिसका लागि जिम्मेवार कोशिकाहरुको परिवर्तनलाई सफलतापूर्वक रोक्न सक्ने देखिएको छ ।
अमेरिकाको टेक्सासस्थित ब्लेयर स्कट एण्ड वाइट हेल्थका शोधकर्ता हेथर प|mान्सिसका अनुसार यस अध्ययनलाई आधार मान्दा बिरामीमा कलेजोको फाइब्रोसिसको रोकथाम वा न्यूनिकरणमा दमको औषधि निकै लाभदायी हुने देखिन्छ ।
हेपाटोलोजी जर्नलमा प्रकाशित शोध अनुसार यो अनुसन्धानले प्राइमरी स्केरजिंग कोलंगाइटिसका विरामीको उपचारमा नयाँ सम्भावना देखाएको छ ।
पिएससी एक परम्परागत रोग हो जसमा पित्तनलीमा नोक्सान पुगेसँगै कलेजो खराब हुन्छ । यो रोगको कुनै प्रभावकारी उपचार विद्यमान छैन र कलेजो प्रत्यारोपण मात्र विकल्प हुन्छ ।
वि.सं.२०७३ असोज ३० आइतवार ०१:०० मा प्रकाशित
