काठमाडौ । सत्तारुढ माओवादी केन्द्रले अख्तियार प्रमुख लोकमानसिंह कार्कीलाई महाअभियोगबाट हटाउने औपचारिक निर्णय गरेको छ ।
नयाँ बानेश्वरस्थित संसद भवनमा आइतबार बिहान बसेको माओवादी केन्द्र संसदीय दलको बैठकले अख्तियार प्रमुख कार्कीलाई महाअभियोगबाट हटाउने औचापरिक निर्णय लिएको हो । बैठकबारे जानकारी दिंदै माओवादी केन्द्रका नेता अग्नि सापकोटाले भने, ‘हाम्रा अध्यक्षले महाअभियोग प्रस्तावलाई निष्कर्षमा पुर्याउन निर्देशन दिनुभएको छ ।’
यसअघि माओवादी केन्द्रका सांसद महेन्द्रबहादुर शाही प्रस्तावक भएर संसदमा दर्ता गरिएको महाअभियोग प्रस्तावमा माओवादी केन्द्रले औपचारिक निर्णय गरेको थिएन ।
शनिबार बसेको माओवादी केन्द्रीय कार्यालयको बैठकले महाअभियोगको प्रस्तावमा अन्य दलहरुसँग परामर्श गरेर निष्कर्षमा पुग्ने अधिकार अध्यक्ष दाहाललाई दिने निर्णय गरेको थियो ।
प्रतिपक्षी एमालेमा लोकमान सिंहलाई महाअभियोग लगाउन एकमत रहे पनि सत्तारढ कांग्रेसले अहिलेसम्मपनि कुनै निर्णय गर्न सकेको छैन ।
प्रकाशित मितिः २०७३ कार्तिक ७
वि.सं.२०७३ कात्तिक ७ आइतवार १३:३९ मा प्रकाशित
