काठमाण्डौं । सोमबार पनि सेयरबजार परिसूचक नेप्से दोहोरो अंकले घटेको छ भने कारोबार रकममा समेत गिरावट आएको छ र वित्त बाहेक कारोबारमा आएका अन्य सबै समूहमा आएको गिरावटले बजार ओरालो लागेको हो ।
बजार खुलेदेखि नै ओरालो लागेको नेप्से बन्द हुने समयसम्म आईपुग्दा १३.५० अंकले झरेर १७६८.८९ अंकमा अड्एिको छ । वाणिज्य बैंक समुह नै १८ अंकले झरेपछि बजारमा उच्च गिरावट आएको हो । यसदिन विमा ३८, होटल २४, जलिविद्युत १५, विकास बैंक तथा अन्य समूह ४ अंकले झरेका छन भने वित्त समुह करिब पाँच अंकले उकालो लागेको छ ।
१२५ कम्पनीको कारोबार भएको बजारमा ९२ करोड ८९ लाख रुपैयाँ बराबरको सेयर किनबेच भयो । यो अघिल्लो कारोबारको तुलनामा झण्डै चार करोड रुपैयाँले कम हो ।
८ कार्तिक २०७३, ३।३०
वि.सं.२०७३ कात्तिक ८ सोमवार १६:३२ मा प्रकाशित
