काठमाडौ । गत साताको अन्तिम दिन १६५८.०८ अंकमा रहेको सेयर बजार यो साता १५३४.०३अंकमा झरेको छ । यसरी हेर्दा साताभरमा १२४ अंकले नेप्से घटेको देखिन्छ ।
नेपाल स्टक एक्सचेन्जमा १५२ कम्पनीहरुको कारोबार भएको छ । यो साता नेप्सेमा पाँच अर्ब सात करोड रुपैंयाभन्दा बढिको कारोबार भयो ।
गत साता पाँच अर्ब दुई करोड रुपैंया बराकरको करोबार भएको थियो ।
यो साता कारोबार रकम (७१ करोड १५ लाख ८० हजार रुपैयाँ) को आधारमा एभरेस्ट बैंक लिमिटेड अग्रस्थानमा रहेको छ । त्यसैगरी कारोबार भएको सेयर संख्या (चार लाख ६० हजार कित्ता) को आधारमा सिभिल बैंक लिमिटेड अग्रस्थानमा रहेको छ । त्यसैगरी कारोबार संख्या (१९५९ वटा) को आधारमा एभरेस्ट बैंक लिमिटेड अग्रस्थानमा रहेको छ ।
नेप्सेमा ठूलो गिरावट सँगै लगानीकर्ताको मनोबल पनि खस्किएको देखिन्छ । अझै सेयर बजार कता लाग्छ भन्ने कुरा पर्खनै पर्ने हुन्छ ।
प्रकाशित मितिः २०७३ मंसिर ११
वि.सं.२०७३ मंसिर ११ शनिवार १६:४० मा प्रकाशित