रियल मड्रिड तथा पोर्चुगलका स्ट्राइकर क्रिष्टियानो रोनाल्डोले कालो रंगको जुत्ता लगाउँदै लगाउँदैनन् । रोनाल्डोले सकेसम्म मैदानमा हुँदा कालो रंगको स्पोर्टस सुज लगाउँदैनन् । रोनाल्डोले मैदानमा कालो रंगको जुत्ता नलगाउनुको कारण प्रतिस्पर्धात्मक हितका लागि रहेको नाइकका उपाध्यक्ष म्याक्स ब्लउले बताएका छन् ।
ब्लउले गेला युएसएसँग भने ‘सबै खेलाडीको आफ्नै मनपर्ने रंग हुन्छ । वैज्ञानिकरुपमा पनि लगाउने गरेको स्पोर्टस सुजको रंगको असर उनीहरुको दिमागमा पर्ने गरेको प्रमाणित पनि भएको छ । खेलाडीले खुशी महसुस गरेका बेला राम्रो खेल्न सक्छन् । रंगले खेलाडीलाई आत्मविश्वास पनि दिन्छ । आफूलाई मन पर्ने रंगको सुज लगाउँदा प्रदर्शन पनि राम्रो हुन्छ ।’
उनले अघि भने ‘उदाहरणका लागि रोनाल्डोलाई कालो रंगको सुज लगाउन मन पर्दैन । किनकी कालो रंग सुस्त लाग्छ उनलाई । उनी फास्ट हुन चाहन्छन् । त्यसैले कालो रंगको सुज लगाउँदैनन् ।’
वि.सं.२०७३ पुस ५ मंगलवार १५:५० मा प्रकाशित
