काठमाडौ। नेकपा माओवादी केन्द्रका नेता वर्षमान पुनले मधेसी मोर्चा र एमालेसँग अनौपचारिक समझदारी बनिसकेको दाबी गरेका छन् । साथै उनले केही दिनले भाग नलिएपनि स्थानीय तहको निर्वाचन नरोकिने बताए ।
शुक्रबार रिपोर्टर्स क्लबको साक्षात्कारमा नेता पुनले भने, ‘निर्वाचनको प्रक्रिया धेरै अघि बढिसक्यो, अब रोकिने र नहुने भन्ने हुँदैन ।’ सरकार अब पछि नहट्ने भन्दै नेता पुनले अघि भने,’५० जिल्लाको मतपत्र छपाईको काम सम्पन्न भइसकेको छ, ७५ हजार म्यादी प्रहरी भर्ना भइसकेका छन्, प्रशासनिक एवं सूरक्षा तयारी भइरहेको छ ।’ स्थानीय तहको निर्वाचन कुनैपनि हालतमा नसर्ने जिकिर गर्दै पुनले भन हट्दैन्, चुनाव हुन्छ, हुन्छ ।’
मधेसी मोर्चाले पनि भित्रभित्रै चुनावको तयारी गरिरहेको उनको दाबी छ । प्रधानमन्त्री प्रचण्ड चीन जानु अघि नै मधेसी मोर्चा र एमालेसँग एक किसिमको अनौपचारिक समझदारी बनिसकेको उनले बताए ।
सीमांकन बाहेकका विषयहरुलाई चुनाव अघि नै संशोधन गरेर मोर्चालाई पनि चुनावमा जाने सरकारको तयारी रहेको र यसमा मोर्चा सकारात्मक देखिएको बताए ।
प्रकाशित मितिः २०७३ चैत १८
वि.सं.२०७३ चैत १८ शुक्रवार १६:४६ मा प्रकाशित
