काठमाण्डौं । गरिमा विकास बैंकले आगामी बैशाख १४ गतेदेखि ७० प्रतिशत हकप्रद निष्काशन गर्दैछ । सोका लागि बैंकले चैत ३० गते सेयरधनी पुस्तिका बन्द गर्दैछ । यो सेयर बैंकले २० प्रतिशत बोनस सेयरका लागि आवेदन दिनेहरुले पनि भर्न पाउने छन् तर यसका लागि बोनस सेयर डिम्याट खातामा जम्मा नभएकाहरुले भने पूँजीगत लाभकर तिर्नुपर्नेछ ।
बैंकले यस अघि पनि सूचना प्रकाशित गर्दै साविकको सुभेच्छा विकास बैंकसँगको मर्जरका कारण पाएको कर छुटको उपयोग गर्दै लगानीकर्तालाई बोनसमा लाग्ने कर तिर्न आग्रह गरेको थियो । तपाईले २०७३ असोज चार गते पछि गरिमाको सेयर किन्नु भएको हो र डिम्याट खातामा उक्त सेयरले पाउने बोनस जम्मा भएको छैन भने बैंकको सेयर निष्काशन तथा बिक्री प्रबन्धक एस क्यापिटल तथा गरिमा विकास बैंकका कुनै पनि शाखामा गएर लाभकर तिर्नु पर्ने हुन्छ । उक्त रकम जम्मा भए पछि बैंकले चरणबद्ध रुपमा बोनस सेयर डिम्याट खातामा जम्मा गरिदिने जनाएको छ ।
बैंकले चैत २९ गतेसम्म नेपाल स्टक एक्सचेञ्जमा किनबेच भएर सो को सात दिन भित्रमा राफसाफ तथा नामसारी पुरा गराएका सेयरले हकप्रद भर्न पाउने जनाएको छ ।
२८ चैत २०७३, ७।००
वि.सं.२०७३ चैत २८ सोमवार ०८:०० मा प्रकाशित
