काठमाडौं । स्थानीय तह निर्वाच पहिलो चरण मत परिणामको अन्त्य तिर आइपुग्दा देशभरको ध्यान भरतपुर महानगरमा खिचिएको छ । सत्ता साझेदार माओवादी–काँग्रेसको गठबन्धन र प्रधानमन्त्रीकी छोरी नै उम्मेदवार बनेका कारण पनि सुरु देखि चर्चामा रहेको थियो भरतपुर । अन्य सबैजसो स्थानको मत परिणाम आइसकेको अवस्थामा भरतपुरको बाँकी रहँदा सबैको ध्यान भरतपुरमै खनिनु स्वभाविक नै हो । मत गणना गर्न २ वटा वडाको करिव ६ हजार मात्र बाँकी हुँदा भरतपुरको मत परिणाम झन रोचक बन्दै गएको छ । पछिल्लो परिणाम अनुसार एमालेका उम्मृदवार देखी ज्ञवालीको ४१ हजार ४ सय २१ छ भने गठबन्धनकी रेणु दाहालको ४० हजार ६ सय ६६ मत पुगेको छ ।
पछिल्लो मत परिणाम अनुसार वडा नम्बर १९ को १२ सय गणना हुँदा देवीले ७ सय ५५ मत बढी ल्याएका छन् । चितवनका स्थानीय १९ वडाले नै जित हारको निक्र्योल गर्ने भन्दै मत गणनास्थलमा झुम्मिएका छन् । सुरु देखिकै मतको ट्रेण्ड हेर्दा दुवै पक्ष उत्तिकै आशावादी देखिएका छन् । दुवै पक्ष जित्छौं भनेर ढुक्कसाथ उभिए पनि यो परिणामले दुवै पक्षलाई उत्तिकै प्रेसर थपेको छ । संसारभरका नेपालीको ध्यान खिचेको भरतपुरबारे अन्तिम नतिजा कुर्न भने गणतन्त्र दिवसनै कुर्नु पर्ने अवस्था छ ।
१४ जेठ २०७४
वि.सं.२०७४ जेठ १४ आइतवार २१:१७ मा प्रकाशित