काठमाडौ । आरएसडीसी लघुवित्त वित्तीय संस्थाको २०० प्रतिशत हकप्रद आज सोमबार (असोज २) देखि बिक्री खुला भएको छ । आरएसडीसीले १ः२ अनुपातमा १०० रुपैयाँ अंकित मूल्यको २३ लाख २५ कित्ता हकप्रद सेयर निष्काशन गरेको हो । यो हकप्रद सेयर कात्तिक ५ गतेसम्म भर्न पाइनेछ ।
भदौ १५ गतेसम्म कायम रहेका सेयरधनीलेमात्र यसमा आवेदन दिन सक्नेछन् । आरएसडीसीको बिक्री प्रबन्धकमा एनआइबीएल क्यापिटल मार्केट्स रहेको छ ।
उक्त हकप्रद एनआइबीएल क्यापिटल मार्केट्स लाजिम्पाट काठमाडौ तथा आरएसडीसी लघुवित्त वित्तीय संस्थाको कालिकानगर–१२, बुटवलबाट भर्न सकिनेछ । त्यसैगरी, नेपाल इन्भेष्टमेन्ट बैंकको काठमाडौ उपत्यका बाहिरका सम्पूर्ण शाखा कार्यालयबाट पनि आवेदन दिन सकिनेछ ।
हाल आरएसडीसीको चुक्ता पुँजी ११ करोड ५० लाख रुपैयाँ छ । हकप्रद निष्कासनपछि चुक्ता पुँजी ३४ करोड ५० लाख रुपैयाँ पुग्नेछ ।
प्रकाशित मितिः २०७४ असोज २
वि.सं.२०७४ असोज २ सोमवार १२:२७ मा प्रकाशित
