काठमाडौ । सामुदायिक लघुवित्तले आईपिओ रोकिएको बारे विज्ञप्ती जारी गरेर बुधबार आफ्नो धारणा सार्वजनिक गरेको छ । नेपालको कुनै पनि ऐन र कानूनमा नभएको विषय उठाएर कम्पनीका सञ्चालकमा डर र त्रासको वातारण सिर्जना गरेर राष्ट्र बैंकले आइपिओ रोक्न निर्देशन दिएको विज्ञप्ती मार्फत बताएको छ ।
कम्पनीले संस्था र सहयोगी संस्था नेपाल महिला उत्थान केन्द्रलाई हानी पुर्याउने गरि राष्ट्र बैंकले आइपिओ रोक्न लगाएको आरोप लगाएको छ ।
त्यस्तै राष्ट्र बैंकबाट गरिएको दुई पटकको स्थलगत निरिक्षणमा समेत गम्भिर प्रकृतिको कुनै पनि कैफियत उच्चारण सम्म नभएको जनाउँदै एकाएक आईपिओ रोक्नुपर्ने कारण नभएको उल्लेख छ ।
कम्पनीले सुधारिएको कार्यसम्पादन तथा निर्देशनहरुको कार्यान्वयन सञ्चालक समितिको ६३ र ६४ औं बैंठकबाट पारित गरि राष्ट्र बैंकलाई पुस २५ गते जानकारी गराएको उल्लेख छ ।
कम्पनीको सञ्चालक हरुमा डर त्रासको वातावरण सिर्जना हुनेगरि नेपाल राष्ट्र बैंकमा बैठक संख्या ६४ र ६५ मा अव्यवहारिक र आत्मघाति निर्णय गर्न लगाई विवरण प्रस्तुत गर्न बाध्य गराएको समेत कम्पनीको भनार्इ छ ।
अध्यक्ष र सञ्चालकमा माघ ७ गते आईपिओ फुकुवा गर्न निवेदन गर्दा समेत डर र त्रासको वातावरण सिर्जना भएको कम्पनिको भनाई छ ।
२०७४ माघ १७ गते प्रकाशित
वि.सं.२०७४ माघ १७ बुधवार १४:४३ मा प्रकाशित