काठमाडौ । केन्द्रिय निक्षेप प्रणाली सिडिएससीले सार्वजनिक निष्काशनको सेयर बाँडफाँड समयसिमा घटाउनको लागि सीआस्वा प्रणालीलाई पुर्ण कार्यान्वायनमा ल्याएको छ । यससंगै अव हुने सार्वजनिक निष्काशन यसै प्रणालीमा आधारित हुने छ ।
केन्द्रिकृत आस्वा (सीआस्वा) प्रणालीमा लगानीकर्ताका सबै तथ्याङ्क विद्युतीय प्रणालीमा रुजु भएर सेयर आवेदन संकलन हुने भएपछि सेयर बाँडफाँडको अवधि एक सातामा झर्ने सिडिएससीले जनाएको छ ।
केन्द्रिय निक्षेप प्रणाली (सिडिएससी) सेयर बाँडफाँडको समयसीमा घटाउन अन्तिम तयारीमा जुटेको र केही समयमै आधिकारिक धारणा सार्वजनिक गर्ने जनाएको छ । सीआस्वा कार्यान्वायन संगै सेयर बिक्री प्रबन्धकलाई समेत कार्यप्रणालीमा सहजता हुनेछ ।
यसअघि सिडिएससीले सीआस्वा पूर्ण कार्यान्वायनमा आए पछि साता दिन भित्रमा सेयर बाँडफाँड गर्न सकिने प्रष्ट पारिसकेको थियो । सोही अनुसार सबै तयारी पुरा भईसकेको सिडिएससीले जनाएको छ ।
२०७४ फागुन २३ गते प्रकाशित ।
वि.सं.२०७४ फागुन २३ बुधवार ०६:५८ मा प्रकाशित
