काठमाडौं । स्पर्स लघुवित्त वित्तिय संस्था लिमिटेडले २ करोड ४० लाख रुपैंया वरावरको २ लाख ४० हजार कित्ता साधारण शेयर निष्काशन गर्न बिक्री प्रबन्धक नियुक्त गरेको छ ।
स्पर्शले सानिमा क्यापिटल लिमिटेडलाई निष्काशन तथा बिक्री प्रबन्धकको रुपमा नियुक्त गरेको हो । सो क्रममा स्पर्स लघुवित्त वित्तिय संस्था लिमिटेडका तर्फबाट सजल खड्का र सानिमा क्यापिटल लिमिटेडका प्रमुख कार्यकारी अधिकृतमनिष नारायण जोशीले सम्झौता पत्रमा हस्ताक्षर गरेका छन् ।
हाल वित्तिय संस्थाको चुक्ता पूँजी रु.५ करोड ६० लाख रहेको छ भने यस सार्वजनिक निष्काशन पश्चात वित्तिय संस्थाको चुक्ता पूँजी रु. ८ करोड हुनेछ ।
हाल वित्तिय संस्थाले १० वटा जिल्लामा १५ वटा शाखा मार्फत करिब ६५०० सदस्यलाई वित्तिय सेवा प्रदान गर्दै आएको छ ।
२०७४ चैत १४ गते प्रकाशित
वि.सं.२०७४ चैत १४ बुधवार १५:०४ मा प्रकाशित
