काठमाडौं। नेपाल राष्ट्र बैंकको रिक्त सञ्चालक पदमा चार्टर्ड एकाउन्टेन्ट सुवोधकुमार कर्ण नियुक्ति गरेको छ। मंगलबार बसेको मन्त्रीपरिषद् बैठकले आगामी पाँच बर्षका लागि कर्णलाई नियुक्त गरेको हो।
राष्ट्र बैंकका सञ्चालक बालकृष्णमान सिंह अवकास भएपछि उनको ठाउँमा कर्णलाई ल्याइएको हो। कर्ण नेपाल चार्टर्ड एकाउन्टेन्टस् संस्थाका पूर्व अध्यक्ष तथा साउथ एसिएन फेडेरेसन अफ एकाउन्टेन्टस् का पूर्व अध्यक्ष हुन् । उनलाई राष्ट्र बैंकको सञ्चालक नियुक्तिका लागि प्रधानमन्त्री केपी शर्मा ओली निकट चार्टर्ड एकाउन्टेन्टहरु लागिपरेका छन् ।
कर्ण यसअघि महालेखापरीक्षक बन्न पनि लागि परेका थिए। पुष्पकमल दाहाल नेतृत्वको सरकारले महालेखापरीक्षकमा टंकमणि शर्माको नियुक्तिको सिफारिस गरेपछि उनी दौडबाट बाहिरिएका हुन्।
२०७५ बैशाख ११ गते प्रकाशित
वि.सं.२०७५ वैशाख ११ मंगलवार १४:४६ मा प्रकाशित
