काठमाडौं । नबिल बैंकको सोमबार बसेको ३४ औं वार्षिक साधारण सभाले बैंकको संचालक समितिले सिफारिस गरे बमोजिम तथा नेपाल राष्ट्र बैंकको स्वीकृती अनुसार आर्थिक वर्ष २०७४/७५ को मुनाफाबाट २२ प्रतिशत नगद र १२ प्रतिशत बोनस दिने प्रस्ताव पारित गरेको छ । विगत तीन दशकभन्दा बढी निरन्तर सेवाबाट नबिल बैंक नेपालको अग्रणी वाणिज्य बैंकको रुपमा स्थापित हुन सफल भएको छ ।
बैंकले आर्थिक वर्ष २०७४/७५ मा निजी क्षेत्रको बैंकहरुमध्ये उच्चतम मुनाफा ३ अर्ब ९८ करोड रुपैयाँ कमाउन सफल भएको छ । बैंकले जेथामा प्रतिफल २१.२२ प्रतिशत र प्रति शेयर आम्दानी ५० रुपैयाँ २५ पैसा हासिल गरी आफ्नो वासलात विस्तार गर्दै १ खर्ब ६१ अर्ब रुपैयाँ पु¥याएको छ । बैंकको संचालन मुनाफा ५ अर्ब ६५ करोड रहेको छ ।
अघिल्लो वर्षको तुलनामा बैंककोे यस वर्षको संचालन मुनाफा र खुद मुनाफामा क्रमश ७.५२ र ७.५५ ले वृद्घि भएको छ । वाणिज्य बैंकहरुमध्ये आव २०७३/७४ मा सबै भन्दा बढी कर राजस्वमा योगदान पु¥याए वापत बैंकले आन्तरिक राजस्व विभागबाट सम्मान प्राप्त गरेको छ । बैंकको संचालक समितिका अध्यक्ष पौड््यालको सफल नेतृत्वमा अघि बढिरहेको यस बैंकको नेटवर्थ २० अर्ब ५९ करोड रुपैयाँ रहेको छ । समीक्षा बर्षको मुनाफाबाट प्रस्तावित वोनस शेयर पश्चात बैंकको पुँजी यस बर्ष ९ अर्ब १ करोड रुपैयाँ नाघेको छ ।
साधारण सभामा आफ्नो मन्तव्य राख्दै अध्यक्ष पौड््यालले नबिल बैंकले नेपालको बैकिङ्ग क्षेत्र लाई आधुनिकीकरण गर्न, देशको व्यवसायीक एवं औद्योगिक गतिविधिहरुलाई गतिशिलता प्रदान गर्न, देशमा रोजगारीका अवसरहरु सिर्जना गर्न सहयोगीको भूमिका निर्वाह गर्न तथा सरकारी कोषमा कर मार्फत योगदान पु¥याउन सफल भएकोमा हामी गौरवान्वित भएको बताउनु भयो ।
२०७५ फागुन २८ गते प्रकाशित
वि.सं.२०७५ फागुन २८ मंगलवार ११:४८ मा प्रकाशित