काठमाडौं । हिमालय ऊर्जा विकास कम्पनीले चैत २० गते बुधबारदेखि सर्वसाधारणमा १४ करोड ८५ लाख रुपैयाँ बराबरको १४ लाख ८५ हजार कित्ता साधारण शेयर निष्काशन गरेको छ । यसमध्ये ४४ हजार ५५० कित्ता सेयर कर्मचारीलाई र ७४ हजार २५० कित्ता सामूहिक लागनी कोषलाई छुट्याइएको छ । बाँकी सेयरमा सर्वसाधारणले आवेदन दिन सक्नेछन् ।
यसमा नेपाल धितोपत्र बोर्डबाट स्वीकृति प्राप्त सम्पूर्ण सि–आस्वा सदस्य बैंक–वित्तीय संस्था र तिनका शाखाबाट आवेदन दिन सकिनेछ । बिक्री प्रबन्धकको काम नबिल इन्भेष्टमेन्ट बैंकिङ लिमिटेडले गरेको हो । आईपिओमा न्यूनतम ५० कित्ताका लागि पाँच हजार रुपैयाँदेखि अधिकतम ६ हजार ५०० कित्ताका लागि ६ लाख ५० हजार रुपैयाँसम्मको आवेदन दिन पाइनेछ । संस्थापक सञ्चालक, र आयोजना प्रभावितका लागि शेयर खरिद गरिसकेका व्यक्तिले यस आईपिओमा आवेदन गर्न पाउने छैनन् ।
कम्पनीले जारी पुँजी ९९ करोड रुपैयाँको १५ प्रतिबत सेयर सर्वसाधारणलाई बिक्री खुल्ला गरेको हो । हिमालयले यसअघि आयोजना प्रभावित स्थानीयलाई ९ लाख ९० हजार कित्ता सेयर बिक्री गरेको थियो । क्रेडिट रेटिङ एजेन्सी इक्रा नेपालले हिमालय उर्जाको आइपीओलाई ग्रेड ४ रेटिङ दिएको छ ।
२०५६ सालमा स्थापना भएको यस कम्पनीले हाल रामेछाप र दोलखामा बग्ने खिम्ती खोलामा उपल्लो खिम्ती जलविद्युत आयोजना ९१२ मेगावाट र अपर खिम्ती जलविद्युत आयोजना ९७ मेगावाट विद्युत परियोजना निर्माण गरिरहेको छ ।
२०७५ चैत २० गते प्रकाशित
वि.सं.२०७५ चैत २० बुधवार १०:२३ मा प्रकाशित