काठमाडौं । कुमारी बैंकको २१.२५ प्रतिशत बोनस सेयरमा मूल्य समायोजन भएको छ । बोनस समायोजनपछि आइतबार यसको सेयर कारोबार प्रतिकित्ता २२१.८६ रुपैयाँलाई आधार मानेर खुलेको छ । कुमारीको औसत आधार मूल्य भने २६२.९३ रुपैयाँ छ ।
कुमारीको साधारण सभामा आर्थिक वर्ष २०७३/७४ का लागि चुक्ता पुँजीको १२.७५ प्रतिशत र आर्थिक वर्ष २०७४/७५ को लागि चुक्ता पुँजीको ८.५० प्रतिशत का दरले बोनस सेयर वितरण गर्ने प्रस्ताव गर्दैछ । बैंकले दुई आर्थिक वर्ष गरेर कुल २१.२५ प्रतिशत बोनस सेयर
वितरण गर्न लागेको हो । सभा नेपाल प्रज्ञा प्रतिष्ठानको सभा हलमा बिहान १०ः३० बजे बस्नेछ । कुमारीले वैशाख २६ गते हुने साधारण सभामा दुई आर्थिक वर्षको गरी कुल २१.२५ प्रतिशत बोनस सेयर वितरण गर्ने प्रस्ताव पेश गर्दैछ । यसका लागि बैंकले शुक्रबारदेखि बुक क्लोज गरेको हो ।
२०७६ बैशाख ८ गते प्रकाशित
वि.सं.२०७६ वैशाख ८ आइतवार १५:२४ मा प्रकाशित