काठमाडौं । मुक्तिनाथ विकास बैंक लिमिटेडले हकप्रद शेयर निष्कासन गर्ने भएको छ । आगामी भदौ १२ गतेबाट कम्पनीको हकप्रद विक्रीका लागि खुला हुनेछ भने आवेदन दिने अन्तिम मिति असोज १५ गतेसम्म रहेको छ ।
कम्पनीले १० कित्ता साधारण शेयर बराबर नयाँ २ कित्ता शेयर विक्री गर्न लागेको हो । कम्पनीले १० बराबर २ को अनुपातमा ६१ लाख २५ हजार ५२०.२५ कित्ता हकप्रद विक्री गर्न लागेको हो । कम्पनीले हाल कायम चुक्तापूँजी ३ अर्ब ६ करोड ४७ लाख ६० हजारबाट हकप्रद निष्कासन गर्न लागेको हो ।
हकप्रद विक्रीपछि चुक्तापूँजी ३ अर्ब ६७ करोड ७७ लाख १२ हजार रुपैयाँ पुग्नेछ । कम्पनीको विक्री प्रवन्धक भिबोर क्यापिटल लिमिटेड रहेको छ ।
२०७६ भदौ २ गते प्रकाशित
वि.सं.२०७६ भदौ २ सोमवार ०८:२१ मा प्रकाशित