काठमाडौं । ढोरपाटन सिकार आरक्षणमा विदेशीले सिकार खेलेबापत ३ करोड ३० लाख रुपैयाँ राजश्व संकलन भएको छ । आर्थिक वर्ष २०७५/७६ को पहिलो सिजन (असोज–मंसिर) मा १ करोड ९ लाख र दोस्रो सिजन (फागुन–वैशाख) मा २ करोड ११ लाख उठेको हो ।
राष्ट्रिय निकुञ्ज तथा वन्यजन्तु संरक्षण विभागका उपसचिव विष्णुप्रसाद श्रेष्ठका अनुसार पहिलो सिजनमा नाउर १० र झारल ६ वटा सिकार खेल्न अनुमति दिइएको थियो । दोस्रो सिजनान नाउस १० र झारल चारवटा थिए ।
दोस्रो सिजनमा नाउरको १३ लाख ५१ हजार र झारलको १३ लाख ५० हजारका दरले राजश्व तिर्न कम्पनी तयार भएका थिए । उनीहरूले पहिलोमा नाउर १२ लाख ५ हजार र झारलको ९ लाख २० हजार बुझाएका थिए ।
बोलकबोलमा प्रतिस्पर्धाले गत वर्ष धेरै राजश्व संकलन भएको विभागले जनाएको छ । विभागले बोलपत्र पक्रियाबाट सिकारका लागि अनुमति प्रदान गर्छ । अन्नपूर्ण पोष्टमा समाचार छ ।
२०७६ भदौ १५ गते प्रकाशित
वि.सं.२०७६ भदौ १५ आइतवार ०७:३७ मा प्रकाशित