काठमाडौं । एनआईसी एसिया बैङ्कको २२ औं वार्षिक साधारणसभा सम्पन्न भएको छ । शुक्रबार राजधानीमा सम्पन्न सभाले सेयरधनीलाई २१ प्रतिशत लाभांश लिने प्रस्ताव पारित गरेको हो ।
साधारण सभाले सञ्चालक समितिले प्रस्ताव गरेको २१ प्रतिशतले हुन आउने १ अर्ब ८५ करोड ९८ लाख ३७ हजार ६२१ रुपैयाँ लाभांश वितरण गर्ने प्रस्तावलाई अनुमोदन गरेको छ ।
सञ्चालक समितिका अध्यक्ष तुलसीराम अग्रवालको अध्यक्षतामा सम्पन्न साधारण सभाले १० प्रतिशतका दरले हुन आउने ८८ करोड ३४ लाख २२ हजार रुपैयाँको बोनस सेयर र ११ प्रतिशत हुन आउने ९७ करोड ६४ लाख १४ हजार रुपैयाँ नगद लाभांश वितरण गर्ने प्रस्ताव पारित गरेको हो ।
सभाले बैङ्कको पूँजी वृद्धिको प्रस्ताव पारित गरेको छ । यसबाट बैंकको चुक्ता पूँजी ९ अर्ब ७१ करोड ७६ लाख रुपैयाँ पुगेको छ ।
२०७६ असोज ११ गते प्रकाशित
वि.सं.२०७६ असोज ११ शनिवार ११:३९ मा प्रकाशित