काठमाडौं । राष्ट्रिय वाणिज्य बैंकले दशैँ विदामा देशभरका शाखामध्य २२ वटा शाखा खुल्ला राख्ने भएको छ ।
बैंकका अनुसार दशैंको अवसरमा विदा हुने दिनहरु यही असोज १८, १९, २० र २२ गते राष्ट्रिय वाणिज्य बैंक लिमिटेडका २२ वटा शाखा कार्यालयहरु बिहान १० बजेदेखि १ बजेसम्म खुल्ला रहनेछन ।
काठमाडौं उपत्यकाभित्रका शाखा कार्यालयहरु बानेश्वर, भोटाहिटी, महाराजगञ्ज, कलंकी, ललितपुर, र त्रिभुवन अन्तर्रा्ष्ट्रिय विमानस्थल खुल्ला रहनेछन ।
त्यसैगरी काठमाडौं उपत्यकाबाहिरका शाखा कार्यालयहरु बिर्तामोड, दमक, इटहरी, विराटनगर, जनकपुर, वीरगञ्ज, नारायणगढ, बुटवल, भैरहवा, महेन्द्रपुल, तुलसीपुर, कोहलपुर, सुर्खेत, नेपालगञ्ज, धनगढी, महेन्द्रनगर खुल्ला रहनेछन ।
शाखा कार्यालय बानेश्वर र महेन्द्रपुल विजया दशमीको दिन (आश्विन २१ गते) पनि खुल्ला रहने बैंकले जनाएको छ । उक्त विदाका दिन खुल्ला रहने शाखाहरुबाट नगद जम्मा तथा चेकको भुक्तानी गरी ग्रहाकहरुलाई सेवा प्रदान गरिने बैंकको भनाइ छ ।
बैंकको हाल सातै प्रदेश, ७७ जिल्लामा २ सय ३८ वटा शाखा कार्यालय, २ सय ४ वटा एटीएम र ९३ वटा शाखारहित बैंकिङ्ग रहेको छ ।
२०७६ असोज १४ गते प्रकाशित
वि.सं.२०७६ असोज १४ मंगलवार १४:३२ मा प्रकाशित