काठमाडौं । धादिङको बेनिघाटमा ग्यास बोकेको भारतीय बुलेट गाडी पल्टिएपछि पृथ्वी राजमार्गमा आइतबार बिहानदेखि एकतर्फी रूपमा मात्र गाडी चलिरहेका छन ।
वीरगन्जबाट काठमाडौं आउँदै गरेको पीआर ०६ जिडी १११३ नम्बरको बुलेट आज बिहान सडक छेउमा पल्टिएको थियो ।‘अर्को गाडीमा ठक्कर खाएर ग्यास बुलेट सडकमा पल्टिएको हो,’ जिल्ला प्रहरी कार्यालय धादिङका प्रहरी नायब उपरीक्षक रूपक खड्काले भने, ‘मानवीय क्षति छैन । पल्टेको गाडी उठाउने तयारी हुँदैछ।’
दुर्घटनापछि बिहानैदेखि पृथ्वीराजमार्गमा एकतर्फी सवारी साधन चलेका छन ।
२०७६ मंसिर ०१ गते प्रकाशित
वि.सं.२०७६ मंसिर १ आइतवार ११:०१ मा प्रकाशित