काठमाडौं । गैरआवासीय नेपाली संघको केन्द्रीय सदस्य (आइसीसी) को लागि बेलायतबाट ७ जनाको नाम सिफारिस गरिएको छ ।
गैरआवासीय नेपाली संघ युकेका अनुसार सिफारिसमा पर्नेमा पत्रकार चिरन शर्मा, विजन भट्ट, रण बहादुर केसी,, चन्द्र गुरुङ, रमेश सराङकोटी, भाग्यनारायण यादव र भोला खनाल छन ।
यस एनआरएनले विश्वभर छरिएका राष्ट्रिय समितिलाई क्षेत्रीय संयोजक मार्फत आइसीसी सदस्यका लागि १८ नोभेम्वर भित्र सिफारिस गर्न आग्रह गरेको थियो ।
गैरआवासीय नेपाली संघको विधानको दफा २२(२४) अनुसार विभिन्न विषयहरुमा संघको केन्द्रीय तहमा रहेर योगदान गर्न सक्ने व्यक्तिालाई अन्तर्राष्ट्रिय समन्वय परिषदको सदस्यमा मनोनित गर्ने प्रावधान छ ।
संघको विधान अनुरुप ७ महिला सहित २१ जना सदस्य केन्द्रीय समितिमा मनोनयन गरिन्छ ।
२०७६ मंसिर ०३ गते प्रकाशित
वि.सं.२०७६ मंसिर ३ मंगलवार १०:५० मा प्रकाशित
