काठमाडौं । माछापुच्छ्रे बैंकले अष्ट्रेलियन डलर नगद आयात गरी ग्राहकलाई बिक्री शुरु गरेको छ । हाल बजारमा रहेको अष्ट्रेलियन डलरको अभावलाई परिपूर्ति गर्न विदेशबाट अष्ट्रेलियन डलर खरिद गरि ग्राहकलाई सटही सुविधा प्रदान गर्न लागेको विज्ञप्तिम उल्लेख छ ।
विदेश जाने नेपालीहरुले विदेशको भिसा लागेपछि अधिकतम १५०० अमेरिकी डलर बराबरको अष्ट्रेलियन डलर साट्न पाउने प्रावधान रहे पनि हाल नेपाली बजारमा देखिएको अष्ट्रेलियन डलरको अभावले अधिकांश नेपालीले सहजरुपमा अष्ट्रेलियन डलर प्राप्त गर्न सकिरहेका छैनन।
यही समस्यालाई मध्यनजर गर्दै बैंकले नेपाल राष्ट्र बैंकले तोके बमोजिम पार्सपोर्ट, भिसा र कन्फर्म एयर टिकट साथमा लिएर आउने ग्राहकलाई काठमाण्डौँ उपत्यकाभित्र रहेका केही शाखाबाट सटही सुविधा उपलब्ध गराउने जनाएको छ ।
बैंकले काठमाडौं उपत्यकाभित्रका लाजिम्पाट, पुतलीसडक, नक्साल, नयाँबानेश्वर, पाटन, चावहिल, थापाथली, बालुवाटार, चापागाउँ, बौद्ध, भक्तपुर, न्यूरोडबाट सटही सुविधा उपलब्ध गराउने छ।
२०७६ मंसिर ०६ गते प्रकाशित
वि.सं.२०७६ मंसिर ६ शुक्रवार ०८:३१ मा प्रकाशित