काठमाडौं । संसद अधिवेसन शुक्रबारबाट सुरु हुँदैछ । दिउँसो ४ बजे बस्न लागेको बैठकको अध्यक्षता उपसभामुख शिवमाया तुम्बाहाङफेले गर्ने भएकी छिन।
यौन दुव्र्यवहारको आरोपमा सभामुख कृष्णबहादुर महराले राजीनामा दिएपछि उपसभामुख तुम्बाहाङफेले प्रतिनिधिसभा बैठकको अध्यक्षता गर्न लागेकी हुन ।
आजको बैठकमा अध्यक्षले अधिवेशन आह्वान सम्बन्धी राष्ट्रपतिबाट प्राप्त पत्रको व्यहोरा पढेर सुनाउने कार्यतालिका रहेको छ ।
यस्तै, अधिवेशन प्रारम्भको अवसरमा दलीय आधारमा संसदीय दलका नेताहरूले स्वागत मन्तव्य राख्ने कार्यतालिका रहेको संघीय संसदको महासचिव मनोहरप्रसाद भट्टराई जनाएका छन् ।
२०७६ पुस ०४ गते प्रकाशित
वि.सं.२०७६ पुस ४ शुक्रवार १२:२० मा प्रकाशित