काठमाडौं । नेपाली बजारमा सुनको मूल्य फेरि उकालो लागेको छ। बिहीबार प्रतितोला ७२ हजार ८ सयमा कारोबार भएको सुन शुक्रबार ५ सय बढेर प्रतितोला ७३ हजार ३ सय रूपैंयाँ पुगेको छ ।
साताको पहिलो दिन ७१ हजार ६ सयमा कारोबार भएको सुनको मूल्य यो सातामात्रै १७ सय रूपैयाँले बढेको नेपाल सुनचाँदी व्यवसायी महासंघले जनाएको छ ।
चाँदीको मूल्य भने अघिल्लो दिनका तुलनामा स्थिर छ। महासंघका अनुसार शुक्रवार चाँदीको मूल्य प्रतितोला ८ सय ९० छ । साताको पहिलो दिनको तुलनामा भने चाँदीमा ४० रूपैयाँ बढेको छ ।
२०७६ पुस ११ गते प्रकाशित
वि.सं.२०७६ पुस ११ शुक्रवार १३:५२ मा प्रकाशित