काठमाडौं । हिमालयन बैंकले माघ २९ गते वार्षिक साधारणसभा डाकेको छ । बैंकको लाभांश राष्ट्र बैंकले स्वीकृत गरेपनि सञ्चालक समिति बैठक बस्न नसक्दा मिति टुंगो लगाउन ढिला भएको थियो ।
साधारणसभाले १२ प्रतिशत नगद लाभांश र १० प्रतिशत बोनस सेयर दिन प्रस्ताव पारित गरेको छ । साधारणसभाले १० अर्बको अधिकृत पुँजी १२ अर्ब र्पुयाउने प्रस्ताव पनि पारित गर्ने छ ।
साधारणसभा गर्न स्वीकृत दिनुअघि राष्ट्र बैंकले हिमालयन बैंकसँग केही सर्तहरू राखेको थियो। साधारणसभाका एजेण्डामा भने ती सर्तहरू परेका छैनन ।
सञ्चालक समितिको निर्वाचन गर्ने, सर्वसाधारण सेयरको हिस्सा ३० प्रतिशत र्पुयाउने र लघुवित्त संस्थाहरूमा भएको सेयर लगानी १० प्रतिशतमा झार्नुपर्ने सर्त राष्ट्र बैंकले राखेको थियो ।
त्यसमा सहमति जनाएपछि बैंकले साधारणसभाको अनुमति पाएको थियो। तर एजेण्डामा भने ती कुनै पनि विषय परेका छैनन ।
२०७६ माघ ०७ गते प्रकाशित
वि.सं.२०७६ माघ ७ मंगलवार १०:५८ मा प्रकाशित
