काठमाडौं । नेपाली कांग्रेसले अबरोध गरेपछि प्रतिनिधिसभा बैठक २८ माघसम्मलाई स्थगित गरिएको छ ।
उपसभापति एवम् संसदीय दलका उपनेता बिजयकुमार गच्छदारलाई अख्तियार दुरुपयोग अनुसन्धान आयोगले मुद्दा दायर गरेपछि कांग्रेसले संसद अवरोध गर्दै आएको छ । यसअगाडि दुई पटक कांग्रेसले संसद अवरोध गरिसकेको छ ।
आइतबारको बैठक पनि अवरोध गरेपछि २८ माघसम्मलाई बैठक स्थगित गरिएको छ । कांग्रेसका सचेतक पुष्पा भुसाल र सत्तारुढ नेपाल कम्युनिष्ट पार्टी (नेकपा) का सचेतक शान्ता चौधरीले बोल्न समय मागेकी थिइन् ।
तर, सभामुख अग्निप्रसाद सापकोटाले दुवैलाई बोल्न समय दिएनन् । अदालतको गएको विषयमा संसद अवरोध नगर्न आग्रह गर्दै सभामुख सापकोटाले बैठक स्थगित भएको जानकारी दिए ।
वि.सं.२०७६ माघ २६ आइतवार १३:३३ मा प्रकाशित