काठमाडौं । एनआईसी एशिया बैंकका ग्राहकले सोनि ब्राभिया टेलिभिजन किन्न विशेष छुट पाउने भएका छन् । बैंक र नेपा हिमा ट्रेड लिंकबीच सोनीका आउटलेट तथा केही आधिकारिक विक्रेताबाट सोनी ब्राभियाका पाँचवटा मोडल खरिदमा छुट प्रदान गर्ने सम्झौता भएको हो ।
सम्झौतापत्रमा बैंकका सहायक प्रमुख कार्यकारी अधिकृत सन्तोषकुमार राठी र कम्पनीका कार्यकारी निर्देशक राजेश तुलाधरले हस्ताक्षर गरे । उपभोक्ताले सोनी ब्राभियाको Model No: 65X8000G, 65X9500G, 55A8G, 55A8F and 55A1 टीभीमा छुट पाउने भएका हुन् ।
सम्झौताअनुसार बैंकका ग्राहकले डेबिट–क्रेडिट कार्ड तथा मोबाइल बैंकिङ सेवा, बैंकको आफ्नै पीओएस र क्यूआर कोड प्रयोग गरि टीभी किन्दा १० प्रतिशत वा अधिकतम २ हजार रुपैयाँसम्म छुट पाउनेछन् । योजना फागुन २९ गतेसम्म लागू हुनेछ ।
बैंकलाई आम जनमानसले गरेको प्रगाढ विश्वास, अगाध स्नेह र बैंक प्रतिको भरोसाले गर्दा यस बैंकको मुलुकभर ३१९ शाखा कार्यालयहरु, ४४६ एटिएम, १०३ वटा एक्स्टेन्सन काउण्टर एवं ५२ वटा शाखारहित बैंकिङ्गमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ ।
करिब २१ लाख ग्राहक महानुभावहरूका साथ सञ्चालनमा रहेको यस बैंकका प्रमुख वित्तीय परिसूचकहरु अत्यन्त उत्साहप्रद रहेका छन् । उत्तरदायी बंैकिङ्गको अभ्यास गर्दै आएको यस बैंकले प्रत्यक्ष र अप्रत्यक्ष गरी करिब ३ अर्ब १५ करोड रुपैयाँ भन्दा बढी राजश्व नेपाल सरकारलाई भुक्तानी गरिसकेको छ ।
वित्तीय समावेशिकरणका लागि मुगु, कालिकोट, बझाङ, रुकुम, जुम्ला, सल्यान जस्ता बैंक तथा वित्तीय संस्थाहरुको उपस्थिति न्यून रहेका दुर्गम जिल्लाहरूमा तथा कुनै पनि बैंक तथा वित्तीय संस्थाहरू नपुगेको ३४ भन्दा बढी स्थानीय निकायहरूमा शाखा विस्तार गरी सञ्चालन गर्दै आइरहेको छ ।
वि.सं.२०७६ फागुन १२ सोमवार १७:१८ मा प्रकाशित