काठमाडौं । सरकारले सबै निकायका संगठन संरचना र दरबन्दी पुनरावलोकन गर्ने भएको छ । कर्मचारी समायोजनपूर्व निर्धारण गरिएको संगठन संरचना र दरबन्दी वस्तुनिष्ठ नभएको भन्दै सरकारले दरबन्दी पुनरावलोकन थालेको हो ।
सरकारका विभिन्न मन्त्रालय र माताहतका निकायको संगठन संरचना र दरबन्दी व्यवहारिक नभएको भन्दै सरकारले संगठन संरचना र दरबन्दी पुनरावलोकन गर्नका लगि संगठन तथा व्यवस्थापन सर्वेक्षण गर्ने भएको छ। कर्मचारीतन्त्रलाई व्यवस्थित बनाउन भन्दै संघीय मामिला तथा सामान्य प्रशासन मन्त्रालयले कार्य्विधि तयार पारि मन्त्रिपरिषद्मा पठाएको छ ।
यसअघि २०७४ सालमा कर्मचारी समायोजनपूर्व संगठन संरचना र दरवन्दी निर्धारण गर्दा हतार भएको, संघीय सरकारअन्र्तगत रहने संगठन तथा दरबन्दी अपेक्षित रूपमा वस्तुनिष्ठ र वैज्ञानिक बनाउन नसकिएकाले पुनरावलोकन थालिएको मन्त्रालयले जनाएको छ ।
अब यो कार्यविधि पारित भएसँगै संघीय सरकार माताहतका निकायलाई जिम्मेवार बनाउने, श्रेणी तह र संगठनविच तालमेल ल्याउने, अनावश्यक कार्यालय र कर्मचारी दरबन्दी कटौती गर्ने, प्रशासनिक खर्च कटौती गर्नेलगायतका काम हुनेछन् ।
जसमा कर्मचारीले हप्तामा ४० घन्टा काम गर्नुपर्ने र ४० घन्टा कार्यवोझ देखिएमा मात्रै दरबन्दी थप हुनेसमेत कार्यविधिमा उल्लेख गरिएको नागरिक दैनिकमा समाचार छ ।
वि.सं.२०७६ फागुन १३ मंगलवार ०७:१७ मा प्रकाशित