काठमाडौं । बिहीवार नेप्से कारोबार भएको पहिलो घण्टामा ५ दशमलव ५४ अंकले घटेर १ हजार ५९० दशमलव ५९ विन्दुमा पुगेको छ । १ हजार ५९७ दशमलव २४ विन्दुबाट शुरु भएको परिसूचक कारोबारकोे यस अवधिमा शून्य दशमलव ३५ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये होटल्स समूहको परिसूचक स्थिर रहेको छ । बैंकिङ समूहको परिसूचक बढेको छ भने बाँकी १० समूहको परिसूचक घट्दा समग्र नेप्से घटेको हो ।
बिहीवार पहिलो घण्टाको कारोबारमा १६६ ओटा कम्पनीको ८ हजार ७५७ पटकको कारोबारमा २७ लाख ८२ हजार १९५ कित्ताको रू. १ अर्ब १४ करोड बराबरको शेयर कारोबार भएको छ ।
यस अवधिमा नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. १० करोड ६२ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार ४८९ मा कारोबार भइरहेको छ ।
कारोबार रकमकै आधारमा दोस्रोमा शिवम् सिमेन्टको रू. ५ करोड ११ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ७१५ रहेको छ ।
वि.सं.२०७६ फागुन १५ बिहीवार १२:०० मा प्रकाशित