काठमाडौं । बिहीवार नेप्से कारोबार भएको दोस्रो घण्टामा ३८ दशमलव शून्य २ अंकले बढेर १ हजार ६३४ दशमलव १५ विन्दुमा पुगेको छ ।
१ हजार ५९७ दशमलव २४ विन्दुबाट शुरु भएको परिसूचक कारोबार शुरु भएकोे ७ मिनेटमा घटेर १ हजार ५५८ दशमलव ६५ विन्दुसम्म पुगेको थियो । सो पछि उकालो लागेको नेप्से कारोबारको यस अवधिमा २ दशमलव ३८ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये बैंकिङ, विकास बैंक, वित्त र उत्पादन तथा प्रशोधन समूहको परिसूचक बढेको छ भने बाँकी ८ समूहको परिसूचक घटेको छ । दोस्रो घण्टाको कारोबारमा १७६ ओटा कम्पनीको रू. २ अर्ब ३१ करोड बराबरको शेयर कारोबार भएको छ ।
यस अवधिमा नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. १६ करोड ६८ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार ४७२ मा कारोबार भइरहेको छ ।
कारोबार रकमकै आधारमा दोस्रोमा एनआईसी एशिया बैंकको रू. १० करोड ५६ लाख बराबरको शेयर कारोबार भएको छ । सो समयमा बैंकको शेयर मूल्य रू. ६२६ रहेको छ ।
वि.सं.२०७६ फागुन १५ बिहीवार १३:०२ मा प्रकाशित
