काठमाडौं । प्रुडेन्सियल इन्स्योरेन्स कम्पनी लिमिटेडको हकप्रद शेयरको विक्री खुला भएको छ । कम्पनीको हकप्रदमा आजदेखि आवेदन दिन सकिने भएको हो । कम्पनीले ३८ लाख ४९ हजार १२० कित्ता हकप्रद शेयर निष्कासन गरेको छ ।
कम्पनीले माघ २६ गतेसम्मका कायम शेयरधनीहरुका लागि १० कित्ता शेयर बराबर नयाँ ६ कित्ता शेयर (१०ः६) को अनुपातमा हकप्रद विक्री गर्न लागेको हो । कम्पनीको हकप्रदमा चैत २३ गतेसम्म आवेदन दिन सकिन्छ ।
हकप्रद शेयर खरीदको लागि आवेदकले एनएमबि क्यापिटल लिमिटेड, एनएमबि बैंकका शाखा कार्यालयहरु, गुडविल फाइनान्सका शाखा कार्यालयहरु, सेन्ट्रल फाइनान्सका शाखा कार्यालयहरु साथै नेपाल धितोपत्र बोर्डबाट स्वीकृति पाएका सि(आस्बा सेवामा सहभागि बैंक तथा वित्तीय संस्थाबाट पनि आवेदन दिन सक्नेछन् । कम्पनीको धितोपत्र निष्कासन तथा विक्री प्रवन्धक एनएमबि क्यापिटल लिमिटेड रहेको छ ।
वि.सं.२०७६ फागुन १८ आइतवार १०:४२ मा प्रकाशित