काठमाडौं । नेपाल पुनर्बीमा कम्पनीले चैत ४ गतेदेखि डेढ अर्ब बढीको आइपीओ निष्काशन गर्ने भएको छ । कम्पनीले प्रतिकित्ता १ सय रुपैयाँ अंकित दरमा १ करोड ६० लाख कित्ता साधारण शेयर निष्काशन गर्न लागेको हो ।
कुल पुँजी १० अर्बको १६ प्रतिशतले हुन आउने पूँजी १ अर्ब ६० करोड रुपैयाँ बराबरको शेयर निष्कासन गर्न लागिएको हो । जसमध्ये ७३ हजार ५ सय कित्ता कर्मचारीहरुलाई बाँडफाँड गरिएको र ८ लाख कित्ता सामूहिक लगानी कोषका लागि बाँडफाँड गरिएको छ ।
बाँकी १ करोड ५१ लाख २६ हजार ५ सय कित्ताको लागि सर्वसाधरणले आवेदन दिन सक्नेछन् । लगानीकर्ताले न्यूनतम १० कित्तादेखि अधिकतम १० हजार कित्तासम्म आवेदन दिन सक्नेछन् ।
आइपीओ निष्काशनका लागि कम्पनीले आरबीबी मर्चेन्ट बैकिंङ लिमिटेडलाई बिक्री प्रबन्धक नियुक्त गरेको छ । आइपीओ निष्काशन बन्द छिटोमा चैत ७ गते हुनेछ भने ढिलोमा चैत १८ गते हुनेछ ।
लगानीकर्ताले नेपाल धितोपत्र बोर्डबाट स्वीकृति प्राप्त सम्पूर्ण आस्वा सदस्य बैंक तथा वित्तीय संस्था र शाखा कार्यालयबाट आइपीओमा आवेदन दिन सक्नेछन् ।
वि.सं.२०७६ फागुन २३ शुक्रवार १४:५२ मा प्रकाशित