काठमाडौं । नेप्से ६ प्रतिशतले घटेपछि मंगलवारको लागि शेयर कारोबार बन्द भएको छ । मंगलवार नेप्सेमा ३ पटक नकारात्मक सर्किट ब्रेक लागेको थियो । पहिलोपटक ४ प्रतिशत, दोश्रो पटक ५ प्रतिशत र तेश्रो पटक ६ प्रतिशतको नकारात्मक सर्किट नेप्सेले सामना गरेको हो ।
यसकारण खस्यो बजार
धेरैजसो लगानीकर्ता बजार बढेपछि अहिले करेक्सन भएको बताउँछन । फागुन १५ देखि बजार तीव्र गतिमा ओरालो लागेको छ । सो दिन नेप्से परिसूचक १६३२ अंकसम्म पुगेको थियो ।
आज १३४९ मा झरिसकेको छ । आफूलाई ‘विश्लेषक’ भन्न रुचाउने केहीले बजार बुलिस ट्रेन्डमा लागेको भन्दै हल्ला गर्न थाले। जुन हल्लाले फागुन १५ अघिसम्मको बजारको उकालो गति अनपेक्षित रह्यो ।
फागुन १५ अघिसम्म निरन्तर बजार बढ्यो । मूल्य बढेपछि नाफा बुक गर्ने लगानीकर्ता बढ्न थाले, बजार करेक्सन भयो । तर यतिबेला भने कतिपयमा त्रास नै बढेको केहीको बुझाई छ । ‘
अन्तराष्ट्रिय बजारहरु घटिरहेका छन, कोरोना भाइरसले चीन र भारतसहितका मुलुकको अर्थतन्त्रमा असर पार्ने अवस्थाले नेपाललाई पनि प्रभाव पर्छ नै’ एक लगानीकर्ताले भने ‘त्यसमा पनि कतै नाकाबन्दीकै अवस्था सिर्जना हुने हो कि भन्ने त्रासले बजारमा अहिले धेरै नै गिरावट आएको हो ।’
वि.सं.२०७६ फागुन २७ मंगलवार १४:०४ मा प्रकाशित
