काठमाडौं । सुन–चाँदीको मूल्य घटेको छ । आज सुनको मुल्य प्रतितोला ८०० रुपैयाँले घटेको छ ।
छापावाला सुनको मूल्य घटेर ८१ हजार ५०० रुपैयाँमा झरेको छ । हिजो बुधबार छापावाला सुनको भाउ प्रतितोला ८२ हजार ३०० रुपैयाँ कायम रहेको थियो ।
यस्तै, तेजावी सुनको मूल्य पनि ८०० रुपैयाँले नै घटेर ८१ हजार २०० रुपैयाँ कायम भएको नेपाल सुन–चाँदी व्यवसायी महासंघले जनाएको छ । अघिल्लो दिन तेजावी सुनको भाउ प्रतितोला ८२ हजार रुपैयाँ रहेको थियो ।
त्यस्तै बिहीबार चाँदीको भाउ पनि प्रतितोला २० रुपैयाँले घटेर ८ सय ६० रुपैयाँमा कारोबार भइरहेको छ । अघिल्लो दिन चाँदीको भाउ प्रतितोला ८ सय ८० रुपैयाँ रहेको थियो ।
वि.सं.२०७६ फागुन २९ बिहीवार ११:३५ मा प्रकाशित
