काठमाडौं । काठमाडौं बाहिर जाने यात्रुसँग तोकिएभन्दा बढी भाडा लिएको आरोपमा २३ जना पक्राउ परेका छन् । पक्राउ पर्नेमा टिकट काउन्टरका कार्मचारी मुकेशप्रसाद साहलगायत रहेको प्रहरीले जनाएको छ ।
काठमाडौंको बल्खु र कलंकीबाट उपत्यकाबाहिर जाने यात्रुसँग तोकिएभन्दा बढी भाडा असुल गरेको आरोपमा उनीहरू पक्राउ परेका छन् । महानगरीय प्रहरी वृत्त कालीमाटीबाट खटिएको प्रहरीले उनीहरूलाई पक्राउ गरेको हो ।
प्रहरीले तोकिएभन्दा बढी भाडा लिएमा खबर गर्नसमेत आग्रह गरेको छ । कोरोना भाइरसको त्रास बढेपछि उपत्यका छाड्ने क्रम बढेको छ ।
वि.सं.२०७६ चैत ७ शुक्रवार १५:५० मा प्रकाशित