काठमडौं । आन्तरिक उडान गर्ने नेपालको सबैभन्दा ठूलो एयरलाइन्स बुद्ध एयरले आफ्नो अधिकतम भाडा घटाएको छ ।
बुद्धले कोभिड १९ को जोखिम बढेपछि काठमाडौंबाट एकैपटक धेरै यात्रु एकैपटक काठमाडौं बाहिर जानखोज्दा अधिकतम भाडादर लागू भइरहेको अवस्थामा अधिकतम भाडादर घटाएको जानकारी दिएको छ ।
उसले पछिल्लो समय यात्रुको चाप एकतर्फी भएको र स्ट्रक्चरल भाडादरअनुसार सरकारले स्वीकृत गरेको भाडादरमा अधिकतम दरमा टिकट बिक्रीवितरण भइरहेको जानकारी दिएको छ ।
सरकारले चैत १० गतेदेखि २१ सम्मका लागि लामो दुरीका सार्वजनिक यातायात बन्द गरेपछि एकमात्र माध्यम हवाई भएको र यस्तोमा भाडाको सिमा परिमार्जन गरिएको एयरलाइन्सले प्रष्टीकरण दिएको छ ।
भाडादरका बारेमा संस्कृति पर्यटन तथा नागरिक उड्डयनमन्त्री योगेश भट्टराईले एयरलाइन्सहरुसँग छलफल गर्नुभएको थियो । शनिबारको उक्त छलफलमा मन्त्री भट्टराईले एयरलाइन्सहरुलाई विपत्को समयमा भाडाको अधिकतम सिमा घटाउन आग्रह गर्नुभएको थियो ।
परिमार्जित भाडादर चैत २१ गतेसम्ममात्र लागू हुने एयरलाइन्सले जानकारी दिएको छ ।
यस्तो छ बुद्ध एयरको परिमार्जित भाडादर :
वि.सं.२०७६ चैत ९ आइतवार १३:२४ मा प्रकाशित
