काठमाडौं । कोभिड–१९ संक्रमणको प्रभावले काठमाडौं बाहिर जाने यात्रुहरुको सहजताका लागि यती एअरलाइन्सले आफ्ना उडानहरुमा टिकटको मूल्य सस्तो बनाएको छ।
भद्रपुर, विराटनगर, भैरहवा, नेपालगञ्ज र पोखराको लागि हामीले टिकटको मूल्य घटाएको यती एयरलाइन्सले जानकारी दिएको छ। सूचनामा उल्लेख गरिएका शूल्क बाहेक पनि न्यूनतम मूल्यका टिकटहरु खरिद प्राथमिकताका आधारमा उपलब्ध रहिरहने बताइएको छ।
संस्कृति, पर्यटन तथा नागरिक उड्डयन मन्त्रालय, वायुसेवा संचालक संघ, नेपाल र सर्वधारणको अनुरोधमा लामो दूरीका सवारी साधन सञ्चालनमा नआउँदासम्मका लागि टिकटको मूल्य सस्तो बनाइएको उल्लेखित हवाई भाडा दरहरु चैत १० गतेदेखि २१ गतेसम्म लागू हुने कम्पनीले बताएको छ।
वि.सं.२०७६ चैत ९ आइतवार १७:४१ मा प्रकाशित
