एजेन्सी । अन्तराष्ट्रिय तेल बजारमा कच्चा तेलको मूल्य १८ वर्ष यताकै सस्तो भएको छ । कोरोना भाइरसको विश्व्यापी महामारीका कारण कच्चा तेलको मूल्य यसरी न्युन विन्दुमा झरेको हो ।
कच्चा तेलको मूल्य अहिले प्रति ब्यारेल २३.०३ डलरमा झरेको अन्तराष्ट्रिय सञ्चार माध्यमहरुले जनाएका छन् । यसअघि यो मूल्य सन् २००२ मा थियो । मार्च महिनाको सुरुमा साउदी अरेबिया र रुसबीच भएको अस्वस्थ प्रतिष्पर्धाले अचानक मूल्य खस्किएको थियो ।
विश्लेषकहरुले विश्वव्यापी महामारीका कारण तेलको मूल्य खस्किएको र यो अझै केही समय खस्कँदो क्रममा रहने अनुमान गरेका छन् ।
गत महिना अन्तराष्ट्रिय बजारमा भारी मात्रामा तेलको मूल्य घटे पनि नेपाली बजारमा भने खास्सै मूल्य घटेको थिएन।
वि.सं.२०७६ चैत १७ सोमवार १६:०५ मा प्रकाशित
