काठमाडौं । प्रदेश १ को लकडाउनको बेला पनि पेट्रोल पम्प सातामा २ दिन खोलिने भएको छ । नेपाल आयल निगमले लकडाउनको समयमा पनि आइतबार र शुक्रबार पेट्रोल पम्प खुल्ने जनाएको छ ।
चैत ११ गतेदेखि मुलुकमा लकडाउन भएपछि सेना र प्रहरीले संचालन गरेको बाहेक अन्य सबै पेट्रोल पम्प बन्द छन् । लकडाउनका बेला पनि अतिआवश्यक परेको बेला प्रशासनले पास दिएर सवारी साधन चल्न दिएको छ । पेट्रोल पम्प नखुल्दा यसरी चल्दै आएका सवारी धनीलनाई समस्या हुने गरेको छ ।
अति अत्यावश्क अवस्थामा गुड्ने सवारी साधनलाई लक्षित गरेर सातामा २ दिन पेट्रोल पम्प खोल्न लागिएको निगमले जनाएको छ । निगमले लकडाउनको कारण पेट्रोल, डिजेल, मट्टीतेल र ग्यासको समस्या नहुने जनाएको छ ।
प्रदेश १ को विराटनगरमा आफ्नो भण्डारण क्षमताको ८५ प्रतिशत भण्डारण डिपो छ । विराटनगर डिपोबाट प्रदेश १ को १० जिल्लाको साथै प्रदेश २ को सिरहा र सप्तरी लगाउयतका जिल्लामा पेट्रोलियम पदार्थ ढुवानी हुँदै आएको छ ।
वि.सं.२०७६ चैत २१ शुक्रवार १३:३० मा प्रकाशित
