काठमाडौं । संघीय संसद सचिवालयले नेपाल सरकारले स्थापना गरेको केन्द्रीय राहत कोषमा एक करोड रुपैयाँ जम्मा गरेको छ ।
सचिवालयले महालेखा नियन्त्रकको कार्यालय मार्फत मंगलबार १ करोड १ लाख ३२ हजार ८ सय रुपैंया कोषमा पठाएको सचिवालयका प्रमुख लेखा नियन्त्रण बसन्तराज सिग्देलले जानकारी दिए ।
मंगलबार प्रतिनिधिसभाका सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सिना, उपाध्यक्ष शशिकला दाहालले घोषणा गरेको एक महिनाको पारिश्रमिक बराबरको रकम पठाइएको छ ।
यस्तै नेकपा संसदीय दलका १ सय ९५ सांसदको आधा महिनाको तलब बराबरको रकम, निजी सचिवालय, स्थाई तथा करार कर्मचारीका तर्फबाट गरिएको योगदानको रकम पनि पठाइएको छ ।
पहिलो चरणमा संघीय समाजवादी फोरमका सांसद प्रदिप यादव र राराष्ट्रिय जनमोर्चाकी सांसद दुर्गा पौडेलको एक महिना बराबरको तलब पनि कोषमा पठाइएको छ । संघीय संसद सचिवालयका अनुसार बाँकी सांसदरुले कोषमा पठाउने राहत रकम अर्को महिना जम्मा हुनेछ ।
वि.सं.२०७६ चैत २५ मंगलवार १५:२३ मा प्रकाशित