back
NMB ad

माथिल्लो तामाकोशी जलविद्युत आयोजनाको रोकिएको काम फेरि सुरु

Kumari bank ad

दोलखा । स्वदेशी लगानीमा निर्माण भइरहेको माथिल्लो तामाकोशी जलविद्युत आयोजनाको नियमित कार्य मंगलबारबाट फेरि सुरु भएको छ ।

कोरोना भाइरस (कोभिड १९) को संक्रमण विश्वभर फैलिँदै गएपछि आयोजनाको काम केहि समयदेखि रोकिएको थियो । तर आयोजनाको पावर हाउसका अत्यावश्यक काम भने सञ्चालन भइरहेको थियो ।

उपप्रधानमन्त्री तथा रक्षामन्त्री ईश्वर पाखरेल नेतृत्वको कोभिड–१९ रोकथाम तथा नियन्त्रण उच्चस्तरीय समन्वय समितिको यही २० गते बसेको बैठकले केही ठूला आयोजनाको काम जारी राख्न सक्ने निर्णय गरेको थियो ।

त्यसै निर्णय अनुसार मंगलबारबाट आयोजनाको सम्पूर्ण काम सुरु भएको प्रवक्ता डाक्टर गणेश न्यौपानेले जानकारी दिनुभयो । आयोजनाले काम रोकेपछि जिल्लावासी कामदार घर फर्किएका छन् ।

आयोजनामा नै नियमित बसोबास गरिरहेका करिव ६ सय कामदारले आजबाट काम सुरु गरेका हुन् ।  आयोजनामा कार्यरत कुल ८ सय कामदार मध्य करिव २ सय कामदार घर फर्किएका थिए । आयोजनामा हाल झण्डै ३ सय भारतीय कामदार, चाइनाका झण्डै ५० कामदार र बाँकी नेपाली कार्यरत छन् ।

उनीहरुलाई पूर्ण सर्तकता अपनाइ काममा लगाइएको माथिल्लो तामाकोशी जलविद्युत आयोजनाले जनाएको छ । आयोजनामा रहेका निर्माणका सामग्रीसहित आवश्यक सामग्रीले अबको २ सातासम्म धान्ने अनुमान गरिएको छ । आयोजनाका लागि अत्यावश्यक सामग्रीको आयात सहज नगरिए जटिलता पैदा हुने आयोजनाका प्रवक्ता डाक्टर न्यौपानेले बताउनुभयो ।

आयोजनाको जटिल मानिएको दुई वटा ठाडो सुरुङमा पाइप जडान गर्ने काममा अपेक्षित प्रगति नभएको बताइएको छ ।  कुल ६ सय ८३ मिटर लामो दुई वटा ठाडो सुरुङमध्ये कोरोना अघिसम्म कुल ४ सय ६३ मिटर पाइप जडान भइसकेको छ ।

कुल ३ सय १० मिटर लामो माथिल्लो ठाडो सुरुङमा १ सय ७५ मिटर पाइप जडान भएको छ ।त्यसमा अब १ सय ३५ मिटर पाइप जडान गर्न बाँकी छ ।

यस्तै कुल ३ सय ७३ मिटर लामो तल्लो ठाडो सुरुङमध्ये कुल २ सय ९० मिटरमा पाइप जडान भएको छ । सुरुङमा अब ८३ मिटर पाइप जडान गर्न बाँकी छ । समग्रमा दुवै सुरुङको झन्डै २ सय २० मिटर पाइप जडान कार्य बाँकी रहेको आयोजनाका प्रवक्ता डाक्टर न्यौपानेले जानकारी दिनुभयो ।

कुल ४ सय ५६ मेगावाट क्षमताको त्यस आयोजनाको कुल भौतिक प्रगति ९९ दशमलव ४ प्रतिशत पुगेको छ । आउँदो असारभित्र सबै बाँकी काम पूरा गरेर पहिलो युनिट सञ्चालन गर्ने तयारी गरिएको छ । पहिलो युनिट सञ्चालनमा आएपछि क्रमशः अन्य युनिट पनि राष्ट्रिय प्रणालीमा जडान गर्दै जाने लक्ष्य राखिएको छ ।

वि.सं.२०७६ चैत २५ मंगलवार १८:४८ मा प्रकाशित

You can share this post!

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...

राष्ट्रियसभाका उपाध्यक्ष अर्यालको राजीनामा   

राष्ट्रियसभाका उपाध्यक्ष अर्यालको राजीनामा   

वि.सं.२०८० चैत १५ बिहीवार १६:१७

काठमाडौँ, १५ चैत : राष्ट्रियसभाका उपाध्यक्ष उर्मिला अर्यालले पदबाट राजीनामा...

हिमालमा हेलिकप्टरले बचाउँदै पर्यटकको ज्यान   

हिमालमा हेलिकप्टरले बचाउँदै पर्यटकको ज्यान   

वि.सं.२०८० चैत १५ बिहीवार १६:००

सुवास दर्नाल सल्लेरी (सोलुखुम्बु), १५ चैत : गत आइतबार सगरमाथा...

नेप्सेमा एक कम्पनीको मूल्य समायोजन

नेप्सेमा एक कम्पनीको मूल्य समायोजन

वि.सं.२०८० चैत १५ बिहीवार १५:५४

काठमाडौं । नेपाल स्टक एक्सचेञ्ज (नेप्से)ले बिहीबार एक कम्पनीको मूल्य...

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

वि.सं.२०८० चैत १५ बिहीवार १५:४८

काठमाडौं । CFMOTO र  ZEEHO   ब्राण्डको नेपालका लागि आधिकारीक वितरक...

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

वि.सं.२०८० चैत १५ बिहीवार १५:२४

काठमाडौं । साताको अन्तिम कारोबार दिन सेयर बजारमा सुधार आएको...