काठमाडौं । लोक सेवा आयोगले वैशाख १ देखि सञ्चालन हुने लिखित र अन्तर्वार्ता लगायतका सबै कार्यक्रम स्थगन गरेको छ ।
कोरोना भाइरसको कारण सिर्जना भएको विषम परिस्थितिलाई मध्यनजर गर्दै २०७६ सालको चैत मसान्तसम्म हुने लिखित र अन्तवार्ताका कार्यक्रम स्थगनको पुर्वसुचना अनुसार नै अर्को सूचना प्रकाशन नभएसम्म स्थगन रहेको आयोगले जनाएको छ ।
लोक सेवा आयोगका सूचना अधिकारी देवीप्रसाद सुवेदीले जारी गरेको सूचनाअनुसार चैतको अन्तिम बुधबार प्रकाशन गर्नुपर्ने रा.प्र. अनं द्वितिय श्रेणी प्राविधिक पदको परीक्षा पनि स्थगन गरिएको जनाएको छ ।
आयोगले स्थिति सामान्य हुनासाथ, स्थगन भएका कार्यक्रमहरूको नयाँ कार्यतालिका सार्वजनिक जनाएको छ ।
वि.सं.२०७६ चैत २६ बुधवार १३:२० मा प्रकाशित