काठमाडौं । युनाइटेड एयरलाइन्स होल्डिङ्स् इन्क (यूएएलओ) ले मेमा हुने उडानमा ९० प्रतिशत कटौती गरेको बताएको छ । कोरोना भाइरसको महामारीका कारण यही दरमा जुनमा समेत उडान कटौती हुने अपेक्षा गरिएको छ ।
यात्रुको संख्या करिब शून्य प्रायस् रहेको र तत्कालै यसमा सुधार हुने कुनै संकेत देखिँदैन । त्यसकारण कर्मचारी कटौती हुने सम्भावना रहेको चेतावनी युनाइटेड एयरलाइन्सले दिएको छ ।
युनाइटेडका प्रमुख कार्यकारी ओस्कार मुनोज र प्रमुख स्कट किर्बीले कर्मचारीका विषयमा आफ्नो दृष्टिकोण सार्वजनिक गरेका छन् । कोरोना भाइरसका कारण मानिसहरुलाई घरमै बस्न निर्देशन दिइएसँगै अन्य अमेरिकी विमान कम्पनीजस्तै सिकागोस्थित युनाइटेमा पनि यात्रुको संख्यामा अत्यधिक गिरावट आएको हो ।
युनाइटेडका अनुसार अप्रिलको पहिलो दुई सातामा दुई लाखभन्दा कम मानिसले यात्रा गरेको जनाएको छ । सन् २०१९ को यही अवधिमा युनाइटेडले ६ लाखभन्दा बढी यात्रुहरुलाई उडाएको थियो । युनाइटेडले मे महिनाभरि गत वर्षको मे महिनाको एक दिनमा उडेका यात्रुभन्दा पनि कम यात्रु उड्ने जनाएको छ ।
उक्त सूचनामा भनिएको छ, “कोरोना संकटका कारण गम्भीर आर्थिक प्रभाव पर्नेछ । यात्राको माग सुरु हुन समय लाग्ने र सुरु हुँदा पनि अहिलेको आर्थिक प्रभाव चाँडै पूरा गर्नसकिने सम्भावना छैन ।“ युनाइटेडले आगामी केही हप्तामा स्वतस् बिदामा बस्न सकिने र जागिर छोड्न सकिने योजना सार्वजनिक गर्ने जनाएको छ ।
सरकारले दिने अपेक्षा गरिएको ५ अर्ब अमेरिकी डलरले सम्पूर्ण कर्मचारीको खर्च धान्न नसकिनेसमेत जनाएको छ । जसमा ३० प्रतिशत तलबभत्ता रहने र अन्य रकम विमानस्थलको भाडा र अन्यमा खर्च हुनेछ ।
जसका कारण २० हजारभन्दा बढी युनाइटेडका कर्मचारीहरुले अवैतनिक स्वेच्छा बिदामा बस्न आग्रह गरिएको छ । युनाइटेडले तलबभत्तामा समेत डेल्टा एयर र अमेरिकन एयरलाइन्सको जस्तै कटौती गरिने जनाइएको छ ।
युनाइटेडले गत साता ४ मेदेखि सिकागो-लन्डन, नेवार्क-आमर्स्टडम, वासिङ्टन(-फ्र्यांकफर्ट उडान सुरु गर्ने जनाएको थियो । (रोयटर्स)
वि.सं.२०७७ वैशाख ४ बिहीवार १३:३१ मा प्रकाशित