हेटौंडा । हेटौंडामा र्यापिड डाइग्नोस्टिक टेस्ट (आरडिटी) गर्दा ४ जनामा कोरोना पोजेटिभ देखिएको छ । बिहीबार हेटौंडा उपमहानगरपालिकामा गरिएको आरडीटी परिक्षण्मा चार जनाको रिपोर्टमा पोजेटिभ देखिएको जनाइएको छ ।
पोजेटिभ देखिनेमा तीन पुरुष र एक महिला रहेका छन् । र्यापिड टेष्टमा कोरोना पोजेटिभ देखिएका ४ जनाको थप परिक्षण गरेपछि मात्र कोरोनाको संक्रमण भएको नभएको पुष्टि हुने स्वास्थ्यकर्मीहरुले बताएका छन् ।
आरडिटी गर्दा कोरोना पोजेटिभ देखिएका उनीहरु विदेशबाट फर्किएका हुन् । उनीहरुलाई अहिले हेटौंडाको आइसोलेसनमा राखिएको जनाइएको छ ।
वि.सं.२०७७ वैशाख ४ बिहीवार २०:०३ मा प्रकाशित