एजेन्सी । बेलायतमा जारी लकडाउन कम्तीमा तीन सातासम्म थपिने भएको छ । विदेशमन्त्री डोमिनिक राबले आफ्नो दैनिक ब्रिफिङका क्रममा सुरक्षात्मक उपायहरू खुकुलो पार्दा जनस्वास्थ्य र अर्थतन्त्रमा खतरा पर्ने समीक्षा भएका कारण लकडाउनको अवधि थप हुने जानकारी दिएका छन् ।
’हाम्रो संक्रमणदर घट्नु पर्नेजति घटेको छैन’, राबले भने। बेलायतमा हालसम्म कोरोनाका कारण १३ हजार ७ सय २९ जनाको मृत्यु भइसकेको छ । बेलायतले कोरोना भाइरसको संक्रमणलाई फैलिन नदिनका लागि मार्च २३ मालकडाउनको घोषणा गरेको थियो ।
राबले हाल बेलायतमा संक्रमणको अवस्था ’खतरापूर्ण र नाजुक तह’मा रहेको बताएका छन् । ’हामीले सुरक्षात्मक उपायलाई खुकुलो पार्न हतार र्गयौं भने हामीले गरेका त्याग र प्रगति सबै खतरामा पर्छन्’, राबले भने, ’यसले हामीलाई तुरुन्तै अर्को लकडाउनमा र्पुयाउँछ ।’
राबले हाल पालना गरिएका उपायहरूले काम गरिरहेको देखाएको बताए । उनले पाँच अवस्थामामात्र लकडाउन खुकुलो गर्न सकिने बताएका छन्।
राष्ट्रिय स्वास्थ्यसेवाले ’हुन्छ’ भनेको अवस्थामा,दैनिक मृत्युदर कम भएमा, संक्रमणदर व्यवस्थापन गर्न सकिने तहमा पुगेमा, परीक्षण र व्यक्तिगत सुरक्षा पहिरन(पिपिई)ले भविष्यको माग थेग्ने भएमा र कुनै पनि कदमले दोश्रो चरणको उच्च बिन्दुमा लैजादैन भन्ने देखिएमा मात्र लकडाउन खुकुलो पारिने उनले बताएका छन्।
वि.सं.२०७७ वैशाख ५ शुक्रवार ०८:४४ मा प्रकाशित