काठमाडौं । कोरोना नियन्त्रण तथा रोकथाम उच्चस्तरीय समन्वय समितिको बैठक आज दिउँसो बस्दैछ । बैठक दिउँसो २ बजे प्रधानमन्त्री तथा मन्त्रिपरिषद् कार्यालय सिंहदरबारमा बस्न लागेको हो ।
बैठकमा समितिमा रहेका मन्त्रीहरुले आ–आफ्नो मन्त्रालयका विषयमा रिपोर्ट पेश गर्ने भएका छन् । तेस्रो चरणको लकडाउनको समीक्षा र काठमाडौं लगायत विभिन्न सहरबाट घर फर्किर्दै गरेका मजदुरका विषयमा समेत केही निर्णय हुन सक्ने एक मन्त्रीले बताए ।
समितिको बैठक आवश्यकताका आधारमा नियमित बस्दै आएको छ ।
वि.सं.२०७७ वैशाख ५ शुक्रवार १२:१५ मा प्रकाशित