काठमाडौं । प्रधानमन्त्री केपी शर्मा ओलीले विभिन्न प्रदेशका सांसदसँग छलफल गरिरहनुभएको छ । उहाँले अहिले प्रदेश नम्बर २ का सांसदसँग छलफल गरिरहनुभएको प्रधानमन्त्रीको सचिवालयले जनाएको छ ।
यस्तै आजै प्रदेश नम्बर ४ का सांसदसँग दिउँसो ३ बजे, प्रदेश ५ सँग साढे ४ बजे र कर्णाली प्रदेशका सांसदसँग बेलुकी ६ बजे छलफल गर्ने तयारी छ ।
प्रधानमन्त्री ओलीले बुधबार प्रदेश १, सुदूरपश्चिम प्रदेश र वाग्मती प्रदेशका सांसदसँग छलफल गर्नुभएको थियो । छलफलमा प्रधानमन्त्री ओली र अध्यक्ष प्रचण्डले संसद् नचलेको अवस्थामा सरकारले अध्यादेश ल्याउनु सामान्य प्रक्रिया भएको बताउनुभएको छ ।
प्रधानमन्त्री ओलीले सांसदसँगको ब्रिफिङमा अध्यादेश पार्टी फुटाउनका लागि नभइ सबै दलका लागि ल्याइएको जनाउँदै यसमा कुनै किसिमको भ्रममा नपर्न स्पष्ट पार्नुभएको छ ।
वि.सं.२०७७ वैशाख ११ बिहीवार ११:३४ मा प्रकाशित
